Plantun de Prouvènço

Pèr coumpara dos planto d'encò nostre

Cruciata pedemontana & Pinguicula vulgaris

Cruciata pedemontana

Rubiaceae

Nom en français : Croisette du Piémont.

Descripcioun :
Aquelo crouseto douno d'èr à uno pichoto Cruciata laevipes e, se trachis en coulounìo èi pamens uno planto de l'an que se vèi dins li relarg pulèu mountagnous. La planto èi proun pelouso d'en pertout. La varieta, emé mai de flour, ié dison pedemontana.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 2 à 30 cm
Fueio : Verticilado
Tipe bioulougico : Teroufite
Cicle bioulougico : Planto de l'an

Gènre : Cruciata
Famiho : Rubiaceae

Ordre : Gentianales

Coulour de la flour : Jauno
Petalo : 4
Ø (o loungour) flour : 1 mm
Flourido : Printèms

Sòu : Ca
Autour basso e auto : 300 à 1700 m
Aparado : Noun
Abriéu à jun

Liò : Prado umido - Pelouso - Relarg à jóunis aubret
Estànci : Subremediterran à Subaupen
Couroulougi : Eurimediterrano
Ref. sc. : Cruciata pedemontana (Bellardi) Ehrend., 1958

Erbo-grasso

Pinguicula vulgaris

Lentibulariaceae

Noms en français : Grassette commune, Langue-d'oie.

Descripcioun :
L'erbo-grasso trachis en mountagno, sus cauquié, dins li riéusset e àutri relarg bagna. Es uno planto carnivoro que pòu aganta de bestiouno emé si fueio pegouso à bord envertouia. Se destrìo de si cousino, mens coumuno, que si flour soun plato emé uno taco blanco sus li petalo que li bord soun pas gaire net.

Usanço :
Li fueio soun couneigudo pèr caia lou la, parié qu'en Suèdo se n'en servien. S'adoubo un sirop purgatiéu que sèrt peréu pèr gari contro lis escarto de pèu. Aro s'atrobo en fitouterapìo pèr sougna lou tussi (espetouranto), li mau de garganto e apasima li nèrvi. S'adoubo en tisano, 20 g de fueio emé de mèu e de jus de limoun. Pamens la planto èi proutejido dins d'ùni relarg.